heta baza.
”Heta Baza” - biełaruskaja moładzievaja aśvietnicka-adukacyjnaja inicyjatyva, jakaja pačała svaju dziejnaść u śniežni 2022 hodu. Naša inicyjatyva zajmajecca raspracoŭkaj i ažyćciaŭleńniem praektaŭ aśvietnicka - adukacyjnych kampanij pa aktualnych temach, jakija siońnia majuć vysokaje značeńnie dla biełaruskaha hramadztva.
Naša misyja zaklučajecca ŭ aśviecie biełaruskaj moładzi jak unutry Biełarusi, hetak i ŭ zamiežžy. My imkniemsia prasoŭvać kulturu demakratyi j miru, aktyvizmu j hramadzianskaha ŭdziełu, a taksama salidarnaści j uzajemadapamohi praz adukacyjnuju dziejnaść.
Naša vizija palahaje ŭ stvareńni i raźvićci hramadztva, dzie šanujucca pryncypy demakratyi, hramadzianskaha aktyvizmu i kultury salidarnaści.
My vierym, što aśvietnickaja dziejnaść źjaŭlajecca klučavym instrumentam dla dasiahnieńnia spraviadlivaj i demakratyčnaj supolnaści.
Naša arhanizacyja maje na mecie papularyzavać bazavyja viedy pa abranych temach, takich jak pravy čałavieka, ekalohija, nacyjanalnaja historyja i inšyja, u zaležnaści ad biahučaj sytuacyi ŭ Biełarusi, biełaruskaj emihracyi j hieapalityčnym kantekście. My imkniemsia raspaŭsiudžvać infarmacyju i pavyšać daśviedčanaść u hetych važnych pytańniach u metach farmavańnia śviadomych i aktyŭnych hramadzianaŭ.
Naša kamanda składajecca z vypusknikoŭ_ic Biełaruskaj Pravaabarončaj Škoły, aktyvistaŭ_ak, valanteraŭ_ak i specyjalistaŭ_ak u halinie pravoŭ čałavieka i historyi.
TEMY Ź JAKIMI MY PRACUJEM
Pravy čałavieka
My raspracoŭvajem adukacyjny anłajn-kurs, seryju aśvietnickich videa i kanałaŭ u sacsietkach. Ładzim kursy anlajn lekcyj. Takim čynam, my prasoŭvajem viedy pa temie PČ siarod biełaruskaj moładzi, pašyrajem ich viedy adnosna bazavych vyznačeńniaŭ u hetaj halinie. Spryjajem farmavańniu aktyŭnaj hramadzianskaj pazycyi.
Inkluziŭnaść i hiendernaja roŭnaść
Heta važnaja častka našaj pracy i pryncypovy padychod kamandy. My pravodzim treninhi, nakiravanyja na pavyšeńnie daśviedčanaści ab hiendernych prablemach i pieraadoleńnie stereatypaŭ. Metaj źjaŭlajecca stvareńnie spraviadlivaha i inkluziŭnaha hramadztva, dzie kožny_aja maje roŭnyja mahčymaści i pravy.
Ekalohija
My pracujem nad aśvietnickaj prahramaj pa ekalahičnaj adukacyi i daśviedčanaści, a taksama imkniemsia dałučyć lakalnyja supolnaści ŭ aktyŭnaści pa zachavańni pryrody, ekalahičnaha ładu žyćcia, skaračeńni vykidaŭ, raźmiežavanamu zboru śmiećcia i sacyjalnaj ekalohii.
Nacyjanalnaja Historyja
My stvarajem aśvietnickuju prahramu ŭ halinie nacyjanalnaj historyi Biełarusi. Uśviedamlajučy niebiaśpieku siońniašniaha ŭnutranaha j mižnarodnaha kantektsu, dy antybiełaruskija tezy i histaryčnyja mity ŭ hramadzstvie, što prasoŭvaje prapahanda – my imkniemsia stvaryć prabiełaruskuju kulturnickuju ahiendu ŭ infarmacyjnaj prastory. Heta dekalanizacyjny praekt, z aporaj na padychod, zasnavany na pravach čałavieka (HRBA).
PRYNCYPY PRACY
Biełaruś Pieradusim!
Naša praca skancentravana na Biełarusi. My pracujem nad biełaruskimi prablemami, dla biełaruskaha hramadztva. Imkniemsia supracoŭničać ź inšymi biełaruskimi arhanizacyjami, inicyjatyvami i placoŭkami. My ličym, što tolki ŭ hodnaj nacyjanalnaj prastory moža być dasiahnuta maksymalnaja indyvidualnaja realizacyja kožnaha_aj biełarusa_ki.
Biełaruś i mižnarodnaje supracoŭnictva
Razam z fokusam na Biełaruś, my imkniemsia da supracoŭnictva ź mižnarodnymi arhanizacyjami, inicyjatyvami i strukturami. Z metaj padvyšeńnia našaj ŭłasnaj kampetencyi, ŭdziełu ŭ mižnarodnaj aśvietnickaj supolnaści, stvareńnia j pašyreńnia biełaruskich nacyjanalnych intaresaŭ u mižnarodnym kantekście.
Moŭnaja palityka
Naša inicyjatyva prytrymlivajecca klasyčnaha biełaruskaha pravapisu. My nie vyznajem “reformy” biełaruskaje movy 1933 hodu. Ličym jaje nie naturalnaj štučnaj źjavaj, zroblenaj va ŭmovach savieckaj akupacyi i palityčnych represij 1930-ch hadoŭ, dziela štučnaha nabližeńnia biełaruskaj movy da rasiejskaj.
Razumiejučy historyka – kulturnuju kaštoŭnaść biełaruskaj łacinki i adnaŭleńnie cisku na jaje, my nia možam nie źviarnuć uvahu na hety pravapis biełaruskaj movy. Usie staronki sajtu, a taksama dadatkovyja materyjały i łonhrydy buduć dublavacca na łacinku.
Niedyskryminacyja i čullivaść
My nie prymajem u svajoj dziejnaści dyskryminujučych padychodaŭ albo vykazvańniaŭ u adnosinach da lubych ludziej ci hrup i imkniemsia da niaŭchilnaha vykaranieńnia ŭsiakaj dyskryminacyi va ŭsich sferach hramadzkaha žyćcia.
Pryniaćcie rašeńniaŭ
Naša kamanda kirujecca pryncypam haryzantalnaha pryniaćcia rašeńniaŭ i ŭnutranaj demakratyi, dzie kožny_ja udzielnik_ca kamandy maje prava vykazacca i unieści svoj układ u praces pryniaćcia rašeńniaŭ. Heta dazvalaje nam sabrać raznastajnyja punkty hledžańnia, dośvied i ekspertyzu ŭsich udzielnikaŭ_c.
Prazrystaść
My imkniemsia ŭ svajoj dziejnaści da maksymalnaj adkrytaści dla hramadztva, vystupajem za prazrystaść svaich zadač, struktury i dziejnaści, adnak biez parušeńnia praviłaŭ biaśpieki dla kamandy i padpiśnikaŭ va ŭmovach palityčnych represyj.
My rehularna publična dajem infarmacyju ab svajoj dziejnaści dla pavyšeńnia ŭzroŭniu davieru z boku partneraŭ, hramadzkaści i donaraŭ.
Razam z hetym my prytrymlivajemsia pryncypaŭ dziejnaści biełaruskich pravaabaroncaŭ.